ភ្នំពេញ៖ ប្រទេសជាប់ព្រំប្រទល់គ្នា៣ គឺកម្ពុជា វៀតណាម និងថៃ កំពុងប្រជែងគ្នាជាប្រទេសដែលដណ្ដើមមេដាយមាសស៊ីហ្គេមឆ្នាំ២០២៣ ច្រើនបំផុត។
គិតត្រឹមម៉ោង៥និង៥៣នាទីល្ងាចថ្ងៃទី១១ ខែឧសភានេះប្រទេសវៀតណាមឈរលំដាប់ទី១ ដែលទទួលមេដាយមាស ៥៤ ខណៈប្រទេសថៃឈរលេខ២ ដែលទទួលបានមេដាយមាស៥២ តាមពីក្រោយដោយកម្ពុជាដែលបានមេដាយមាស ៤៩មេដាយ។
ចំពោះចំនួនសរុបនៃមេដាយវិញប្រទេសវៀតណាមបានរហូត ១៧៣មេដាយ ប្រទេសកម្ពុជាបាន ១៤៧មេដាយ និងប្រទេសថៃ ១៤៥មេដាយ។
ប្រទេសដែលទទួលមេដាយតិចជាងគេមានដូចជាប្រទេសឡាវទទួលបានមេដាយ៥៥ ប្រទេសព្រុយនេទទួលបាន ៦មេដាយ និងទីម័រខាងកើតទទួលបាន២មេដាយ៕
